សារស្វាគមន៏

1 / 3
2 / 3
3 / 3

រាជរដ្ឋាភិបាល​កម្ពុជា ​ក្រោម​ការដឹកនាំ​ប្រកប​ដោយ​គតិបណ្ឌិត​របស់​សម្ដេច​អគ្គមហា សេនាបតី​តេជោ ហ៊ុន សែន នាយករដ្ឋមន្ត្រី នៃ​ព្រះរាជាណាចក្រ​កម្ពុជា បាន​ដាក់​ចេញ​នូវ​ផែនការ​យុទ្ធសាស្ត្រ ដើម្បី​ប្រែ​ក្លាយ​ប្រទេស​កម្ពុជា​ជា​ប្រទេស​មាន​ប្រាក់​ចំណូល​មធ្យម​កម្រិត​ខ្ពស់​នៅ​ឆ្នាំ​២០៣០ និង​ក្លាយ​ជា​ប្រទេស​អភិវឌ្ឍ​នៅ​ឆ្នាំ​២០៥០។

វិទ្យាស្ថាន​វិទ្យាសាស្ត្រ និងបច្ចេកវិទ្យា​ដែល​ជា​គ្រឹះស្ថាន​​បណ្ដុះបណ្ដាល​ និងស្រាវជ្រាវ​គ្រប់​លំដាប់​ថ្នាក់​នៅ​កម្ពុជា បាន​អនុវត្តន៍​ផែនការ​យុទ្ធសាស្ត្រ តួនាទី និង​ភារកិច្ច​របស់​ខ្លួន​ជា​បន្តបន្ទាប់ ជា​ពិសេស​លើ​ការស្រាវជ្រាវដែលមានជំនាញដូចជា៖ (១) រូបវិទ្យា និងថាមពល (២) គីមី និងចំណីអាហារ (៣) គណិតវិទ្យា និងស្ថិតិ (៤) ព័ត៌មានវិទ្យា និងទូរគមនាគមន៍ និង(៥)បច្ចេកវិទ្យា។

ក្នុង​នាម​គណៈ​គ្រប់គ្រង និងមន្ត្រីនៃ​វិទ្យាស្ថាន​វិទ្យាសាស្ត្រ​ និងបច្ចេកវិទ្យាទាំង​អស់ ខ្ញុំសូម​ស្វាគមន៍​យ៉ាង​កក់​ក្ដៅ​ជាទី​បំផុត ចំពោះ​លោក លោកស្រី ប្អូន​ៗ​និស្សិត ​និងអ្នកស្រាវជ្រាវដែល​មាន​បំណង​ចង់​បន្ត​ការ​សិក្សា និងស្រាវជ្រាវ​នៅ​វិទ្យាស្ថាន​វិទ្យាសាស្ត្រ​ និងបច្ចេកវិទ្យា ដើម្បី​ទទួល​បាន​អាជីព​ជា​អ្នកស្រាវជ្រាវ និង​មាន​ការ​ទទួល​ស្គាល់​ពី​រាជរដ្ឋាភិបាល​កម្ពុជា ​ហើយ​ក៏​សូម​ស្វាគមន៍​ផង​ដែរ​ចំពោះ​ដៃ​គូ​អភិវឌ្ឍន៍​នានា ដែល​មាន​បំណង​សហការ​ជា​មួយ​វិទ្យាស្ថាន​វិទ្យាសាស្ត្រ​ និងបច្ចេកវិទ្យាក្នុង​ការ​រួម​ចំណែក​លើក​កម្ពស់​ធនធាន​មនុស្ស​នៅ​កម្ពុជា​។

នៅទីបញ្ចប់ ខ្ញុំ​សូម​គោរព​ជូន​ពរ​ឯកឧត្ដម លោកជំទាវ លោក លោក​ស្រី​ទាំង​អស់ សូម​ប្រកប​ដោយ ពុទ្ធពរ​ទាំង​បួន​ប្រការ គឺ​អាយុ វណ្ណៈ សុខៈ ពលៈ និង​ទទួល​បាន​ជោគជ័យ​គ្រប់​ភារកិច្ច។